منتديات الورده الحمراء
اهلا ومرحباً بيكم فى منتديات الورده الحمراء ان كنت زائر عليك بالتسجيل فى المنتدى
فضلاً وليس امراً ولكم منى جزير الشكر
ملوحظة محتاجين اعضاء متفاعلين بالمنتدى
الاداره
محمد حمدى

لما صاحبتها اتجوزت

استعرض الموضوع السابق استعرض الموضوع التالي اذهب الى الأسفل

لما صاحبتها اتجوزت

مُساهمة من طرف Admin في الجمعة مارس 18, 2016 2:00 pm

كانوا أقرب ما يكون، لدرجة الناس كانوا فاكرينهم إخوات؛ نفس اللبس، نفس الشنطة، وحتى ربطة الطرحة.

كان لهم شلة بنات كبيرة، لكن بالوقت بقوا لوحدهم علشان هما أكتر اتنين فاهمين بعض.

حتى لو مختلفين في الفكر، لكن بيعرفوا يتعاملوا كويس أوي مع بعض
كل خروجة وكل مشوار، كل درس وكل كورس، لازم يقدموا فيه مع بعض،
كل واحدة فيهم كانت بتحس بأهميتها أما تجيب للتانية مصلحة كويسة، أو تعرف تضبط لها خروجة حلوة.

خلصوا الجامعة، وقدموا في نفس المكان علشان يشتغلوا فيه. وفعلًا اشتغلوا مع بعض، وقفلوا حياتهم عليهم هما الاتنين وبس!!
بس البنات كبرت، وبدأت العرسان تتقدم، وواحدة سبقت التانية لطريق الخطوبة والزواج. وبدأت الغيرة تعرف طريقهم، وتبدأ خناقات البنات.

إنتي مختفية فين؟!

أصل خطيبي كان معزوم هو وأهله عندنا.

هنخرج النهاردة؟

لا؛ أصلي نازلة أشتري العفش مع ماما وخطيبي.

وفجأة... بقى فيه مشاعر غيرة على زعل، على كسرة خاطر، على حاجات كتيرة.

ومبقاش حد عارف، هو الغلط في اللي اتخطبت؟ ولا في اللي لسة ماتخطبتش؟

وطلعت المشكلة في الاتنين؛ لأنهم كانوا متصاحبين، بس بشكل مَرَضي، هيسبب لكل واحدة فيهم تعب أكيد فيما بعد؛ لأن الطبيعي إن الإنسان بيعيش بــ 6 احتياجات في مشوار حياته، وبيحتاج لإشباعهم بشكل مستمر:

1- Certainty/Comfort
الاحتياج إلى الشعور بالثقة والأمان والاطمئنان، اليقين أن حياتك على ما يُرام.

2- Variety
الاحتياج إلى التنوع وروح المغامرة اللي بيولِّد إحساس بالاستمتاع واللذة بين فترة والتانية.

3- Significance
الاحتياج للشعور بأهميتك، واحتياج الآخرين لك، تميزك بصفات وطبائع ما تميز شخصيتك.

4- Connection/Love
الاحتياج إنك تحب، وتتحب، والتواصل مع الآخرين من خلال علاقات اجتماعية بالناس من حولك.

5- Growth
الاحتياج إلى النموِّ الوظيفي أو المهني، عن طريق تنمية مهاراتك وعلومك بشكل مستمر.

6- Contribution
احتياجك إلى العطاء، والمشاركة في حياة الآخرين.


دول 6 احتياجات المفروض يتم إشباعهم من مصادر مختلفة؛ لأن كل واحد منَّا (بيتغذى) عليهم، لو حاجة منهم نقصت يلاقي الخمسة التانيين مكانهم.

لكن أما يبقى إحساسي بالاطمئان مع وجود أنتيمتي، وكل جديد بَكْتَشِفُه معاها، وبَشْعُر بتمَيُّزي معاها، وبتَواصل معاها أغلب الوقت، وكل كورساتي معاها، وحتى العمل التطوعي معاها... يبقى طبيعي أما أنتيمتي تتجوز؛ ييجي لي حالة انهيار!!

حتى لو كان الإشباع من خلال وظيفة أو مكان ما بيحقق لي كل احتياجاتي دي، يبقى أنا مُعرَّضة للانهيار أول ما أفقد الوظيفة دي لأي سببٍ ما.

فأما تلاقي إنك بتُشْبِعي نفسك من نفس المصدر؛ بسرعة دوَّري على مصادر تانية.. للطوارئ.

Admin
Admin

عدد المساهمات : 56
السٌّمعَة : 0
تاريخ التسجيل : 26/07/2015

معاينة صفحة البيانات الشخصي للعضو http://ibda3y.ibda3.info

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى